دلوني على قبره.............

دلـــوني على قبــرهـ..*




ياللي دفنتوا جثته ليه تبكون
لولا الحيا لاقول معكم خذوني
منه انحرمت وكنت انا عنه مسجون
ماذكر لمحته غير مره بعيوني
شفته وكانت فرحتي مالها لون
عجزت لا اوصف من لمحته شجوني


ياليتني كنت الكفن يوم تمشون
ابقى معه بالقبر ثم تدفنوني
او ليتني من خلفكم كنت مجنون
اتبع خطاكم والعذر هو }{جنوني}{
ابكي وراكم وادعي ان كان تدعون
مايكفي انه عاش عمره بدوني
تكفون هاكم عمري اليوم تكفون
برخص حياتي دام خابت ضنوني
مافادني صبري ولا فادني }{عون}{
ولا فادني دمع(ن) حرق لي }{جفوني}{

ياما بكيته والبكا يحرق عيون
ميت او انه حي دمعي بعيوني
العام كان بفرحته يعزف لحون
واليوم تحت الارض ماهو بكوني
لكن انا بفرحته كنت مدفون
فوق الثرا واليوم موته سجوني
سميت قلبي عقب فرقا ملعون
هو والليالي عن هواه امنعوني


]][[ ياليتني ماعشت لحظه بهالكون
وياليت ربعي في سكات ذبحوني
وياليتكم عن همي اليوم تدرون
منه انحرمت ومن عزاه احرموني
حتى بوفاته يوم انا طحت مطعون
اخفيت طعناتي قبل لا يفضحوني
بكيت لكن ما تظاهرت بالهون
ابكي واقول الموت هو سبة طعوني
وان كان في حبي انا ما تحسون
دلوني لقبره...وهناك.. اتركوني ]][[