كفايه ياحزن يكفي تراني في النهايه انسان‎

أخاف اكتب واسبب جرح....واعيش بعالمي ندمان...
أخاف انطق واقول الهمّ.....واصير بدنيتي غلطان...


أنا وان قلت بكتمها....بتبقى حالتي تعبان...
وتتبعني هموم الوقت.....واعيش بضيقة الاحزان...


أخاف اشكي واقول اني:....من الدنيا أنا تعبان...
وترجع تنتقم منّي......وتشعل قلبي النيران...


أخاف اصرخ وانا وحدي....ولايسمعني أي انسان..!!
ويرجع لي صدى صوتي:....{تراك بعالم الكتمان}..!!


أخاف ابكي وماالقى....لدمعي واحد(ن)شفقان...
ويزداد الالم فيني.....واحس بلوعة الحرمان...


أخاف اضحك واتكدّر.....بضحكه مالها عنوان..
وادوّر اهلي وربعي....وحتى صحبي والخلاّان..


أخاف اقول:ابي افرح.....لانّي للفرح عطشان..
واضيّع موطن الفرحه....واتوه بعالم الاحزان...


متى ياخوفي تتركني....وانا اجازيك بالهجران..
متى دنياك ترحمني....واعيش بعالمي بأمان...


متى ياحزني اتجرأ.....واصيح بصوتي التعبان:
كفااايه ياحزن تكفى....تراني في النهايه انسان




وسلامتكم