صديق الطفوله وش جرى لك مع الأيام

صديق الطفوله وش جرى لك مع الأيام



هي أنصفت دنياك وإلا أنت بك مثلي



فقدنا ملامحنا مثل ساير الأنام



عبث بنا جور الزمن والزمن يبلى



وقفنا جميع وبيننا حاجز الأعوام



صعيب وصولي لك .. وياصعب لك وصلي



وأنا أشوف في وجهك طريق غشاه عتام



وذاك النخل وأشوف دارك ودار أهلي



وسدره .. هي أكرم من أهل بيتها اللوام



وفي وجهك أصحابي .. عصى مدرسي .. وفصلي



وعودٍ كبير .. ودايمٍ فالظلال ينام



في ذكرياتي له بعد ملمح وجلي



وسور كتبنا فيه ذكرى عبث وأوهام



ولي في عيونك صورة زانها جهلي



بثوب تبلل بالمطر والتراب وشام



وأنا حب .. أسير.. الْعَب وهي حافيه رجلي



أنا وأنت طفل .. وطفل دايم رضى وخصام



بكانا سهل والضحكة أمرٍ بعد سهلي



دعاني بوجهك ناده ينده الأحلام



معه رمح مدري هو علي غاضب .. أو لجلي



أنا كيف أباصل والأمل خلف مو قدام



كثير الأسى والسهد يامن فعل فعلي




طلال العبد العزيز الرشيد