ولدي علي قلبي من الظلم محروق

ولدي علي قلبي من الظلم محروق
من ظالمٍ دمَر حياتي وقهرنـــــــي

ياما رفعته فوق راسي على ذوق
وهو سَل سيف الغدر وبيده نحرنــي

وياما سقيته صافي الحب والشوق
وهوسقاني السم كاس وغدرنـــــي

له سقت روحي سوق مطفوق مطفوق
ومابين ليلة صد عني ونكرنــــــــي

لأجله سهرت اليل ماأشتكي عوق
وهو الذي من زود ظلمه كفرنــــــــي

ماذقت عمري شربة الخمر والبوق
يستر على الخمار وانا فضحنــــــي

ظلمك ذبحني والصدر صار مخنوق
منك مرض ولدي وغدرك سدحنـــــي

ماجاني السكر ولاصرت محروق
إلا من اللي حش فيني وجرحنـــــــي

عرضي بفمه مثل علك باطوق
هو يحسب ان اللي خلقني تركنــــــــي

واللي أكل مالي ويقول مسروق
ياحيف يوم الاخ جار وظلـــــــــمني

أدعي عليك الله في ليل وشروق
اللي على عيــــالي فجــعني وحـرمني

أدعي عليك اللي سمع صوت فاروق
أدعي عليك اللي بسجودي سمعنــــي

حسبي عليك الله ياظالمي فوق
في وسط جوف الليل دعيته ونصرني

ولدي علي قلبي من الظلم محروق
من ظالمٍ دمَر حياتــــي وقهـــــــــرني

ياما رفعته فوق راسي على ذوق
وهو سَل سيف الغدر وبيده نـــــحرنـــي

الشيخ:

احمد بن علي العجمي..

شكرا على هذه المساهمه