قصيدة عنجد محزنة رجاء حار ان تدخلوا لمصلحتكم...............

السلام عليكم ورحمة الله وبركاته
كاتب الشعر هذا كان مدمن مخدارت وكاتب هالقصيدة في امه لكن كتبها بعد ما ماتت من همها علييه وهو يلقي الشعر وهي ميته قدامه وكاتب هالكلمات الي تهز القلب من جد

يايمه منتهي جيتك وطالب منك الغفران
اقبل قاعة اقدامك واغسّلها بدمعاتـي

يايمه كل مافيني ينادي لك انا ندمان
طلبت قولي سامحتك وردي لوجهي بسماتي

انا ادري قلبك الطيب كسرته بصدمة النكران
غلطت وغلطتي هذي تعيّر كل غلطاتي

تشوفي الشيب يايمه ترا ماجا وانا فرحان
وربي اللي رفع ذاتك ونزل للردى ذاتي

فقدت الراحة من بعدك فقدت الطيبة والتحنان
بدونك راحتي غاية بدينك هذي راحاتي
انا بعدك ولا حاجة انا بعدك ترا عميان
اشوف ولااشوف اللي يوريني مساواتي

انا وسيدي الشقى والهم من بعدك غدينا اخوان
يجيب همومي هالعالم ويرميها بمتاهاتي

صدقتي يوم قلتي لي تجينا اليوم بس تندم
رميتك في بداياتي .. روموني في نهاياتي

انا من شالك بايده رماكي باسفل البركان
نخيتيني وطلبتيني ولاحصلتي نخواتي

مثل ماهنتي بعيوني عليهم قلبي يمه هان
رموني وطعتهم فزعه وانا الدمعات فزعاتي

يايمه لاتظنيني انا من فعلهم زعلان
سوادٍ فيك سويته وسوو فيني سواتي

يايمه يالله ضميني ودفيني بهالأحضان
انا ادري فيكي مشتاقة وهمك بس ملاقاتي

يايمه حيل ضميني ابي ارتاح اانا تعبان
تعبت اهرب من ذنوبي ابيك اخر مسافاتي

ابسمع منكِ اي كلمه لصوتك مسمعي ولهان
ابسمع يمه بصوتك ابذكر فيه نشواتي

اشوفك ساكتة يمه غفيتي والا أنا غلطان
غفيتي يابعد عمري تعبتي من مواساتي

يايمه طالبك قومي إذا لي في عيونك شان
أشوف الموت بعيونك عساها تخيب هقواتي

تعالوا يابشر شوفوا انا محتار انا تلفـــــــان
انا امي مدري وش فيها انا مدري انا احاتي

شنو أمي انا ماتت؟! لا لا لا ترا غلطان
انا امي ماتخليني على حزني ووناتي

انا أمي قلبها طيب ولايمكن تبكي انسان
انا امي ماتبكيني ولاتتمنى اهـاتـــي

يايمه صح مامتي ؟ وصح الموت لاماحان ؟
اذا متّي انا بعدك ابقضي وين ساعاتي ؟

يايمه قومي يايمه .. وقولي الموت لا ماكان
انا جيتك وانا ناوي اببدى فيك جناتــي

تركتيني ومتّي ليه ؟ تركتيني وانا غرقان
ولامسموح ياوليدي ؟ ولا تلعنك لعناتي !

انا الجاني وانا المجني وانا المخطي وانا الندمان
وانا بيدي رميتك ايه .. وبعثرته ملفاتي

وجيت من الهنـا مفلس .. وقلبٍ للضنا خسران
تركتيني على ناري ......اعدد فيك زلاتي
ولاني مرضي ربي .. ولاني تابع الشيطان
انا بعدك ترا مابين نهاياتي وبداياتـــــــي

يايمه منتهي جيتك وكل مرتجي غفران
وشفت الناس تلعنّي تحذرني من الاتي

منقول

عافانى الله من المخدرات