خاطره جميله لكل من حبيبه زعلان

تعال يا حبي خليني أمسح دموعك...

أيش فيها الدنيا حاطه دوبها بدوبك...

ابتسم ياقلبي أنا جنبك لاتخلي أحد يهمك وافرح ترى قدامك صدر مجنونك.

هذي الدنيا تلف وتدور مرة تصير بيدك ومرة الله يكون بعونك...

لا تبكي ترى دموعك وربي غالية وما عاش من ضيق صدرك وتعب عيونك.

أدري أنك تعبت والله يلوم إلي يلومك...

وهذه الناس يا حبي تتعب تشتريهم وهما بكل سهولة يبيعوك...وتخلص لهم بحبك وتعطيهم عيونك وهما عادي يظلموك.

يا حبي لو كل واحد يحس بالظلم يبكي كان شفت البحر يغرق في دموع البشر ودموعي ودموعك...

ارفع رأسك وطالع فوق هناك ربك ينصر كل ظالم وبكلمة وحدة يخلي هالكون يضحك لك ويصير كونك.

معقولة..!أجمل عيون تمتلي بالدموع...!؟

معقولة..!أحلى صوت أسمع فيه الخوف والآه إلي تهز الضلوع...!؟

معقولة..!اليد الدافية الحنونة من الضيق ترتجف وكأني أشوفك للضياع تنجرف...!؟

معقولة..!هالشفاه مخرج أحلى الحروف تنمحي منها أجمل بسمة من جمالها تخلي الحزن يطوع...!؟

وكل شيء ياقلبي يهون إلا سماع القلب يخفق بقوة وجنون.

محد يقدر يشوف أحلى إنسان وأقوى كيان قدامه ينهدم...والكل مستعد يبيع العالم علشان جرح حبه يلتئم.

اسكت...!اسمع...!

اسمع في أصوات ذئاب لكن لا تلتفت له واسمع صوت الديك ينبه بوصول فجر جديد.

ارفع رأسك شوف كيف يخرج النور ويقتل كل خيوط الظلام...اسمع صوت الطيور كيف يطغى على صوت الذئاب.

راح أعذرك إذا كان الظلام مستحيل ينتهي...والنور لقسوة الظلام ينحني.

ترى الدنيا مستحيل تعيش فيها طول عمرك براحة...

والإنسان بدون أمل تكثر جراحة...

ولابد تخسر علشان تذوق طعم الراحة...

وهالدنيا لابد تنتهي وأنت فيها مجرد سياحة.

ابتسم وخلي الفرح على وجهك يرتسم...

كذا راح تحقق كل حلم...وكل معركة تخوضها لابد تفوز وتغتنم.

يامحلى عينك لمن يرجع لونها ومائها...

وماأجمل الشفاه لمن ترجع بسمتها وتصير للجروح بلسمها ودواها...

واليد لمن تثبت ويرجع دفاها...

والقلب لما تهدا دقاته وصار مرتاح في كل أوقاته.

إذا أنتا يا عيني عندك من يسندك وقت الحاجة غيرك محد يعرفه وقت الأخطار...

لايهمك يا قلبي كثرة جروح من حولك ترى الزهرة بين الشوك تلفت الأنظار...

ملايين ياقلبي يدعو ربك ويطلبون الغيث ويمكن ببركة واحد تنزل أمطار...

ترى الرياح يا حبي إلي تداعب الأنفاس بطرفة عين يمكن تنقلب إعصار...

إذا أنتا يا عمري دموعك ملت كفك ترى غيرك عمل من دموعه أنهار...

أنتا يادنيتي مؤمن بالقدر غيرك ما يعرف إن الكون بيد الواحد الجبار...

اضحك على الأقل علشاني...

ومادمت جنبك لاتقول الكل راح خلاني...

لاتهمتم بجروحهم مادام إيدي بإيدك بإذن الله بنحقق كل الأماني...

خلنا نراقب الله وخل فكرك بفكري وعينك بعيني راح يكون هالزمن زمانك وزماني...

ترى العذال تفرح بدموعك وأنا ياقلبي أغرق فيها وأعاني...

خليك كريم بحبك وخليك بدموعك على غيري أناني.

اضحك كمان اضحك واضحك ترى الدنيا فيها حب وجمال...

صحيح في من يجرح ويخون لكن في من بنى للوفا والحب قلعة وتمثال.

أنا آسفة إذا كثرت عليك الكلام...

لكن أنتا غالي ولأجلك تنشف الأقلام...

وآخر نصيحة خذها مني إذا انجرحت أو انظلمت انسى وأعتبرها(أضغاث أحلام).

وكل شيء ياقلبي يهون إلا سماع القلب يخفق بقوة وجنون.

خاطرة كثير بتجنن و من الاخر و يعطيك العافية
بس ما عرفنا لمين بتهديها هاهاهاهاهاها