اهداء لمشجعي البرشا وخاصه للADMIN

فريق البارسا حبيب الملايين = أشجعه وأرفع لفنه يديني
وحصنه النوكامب خير الميادين = شامخ ينادي من يبارز يجيني
حتى الفانيلة شابهتني بلونين = احمر وازرق لون دمي وعيني
يعرف في الملعب أغاني بتلحين = ويمتع العشاق والمعجبيني
ويرقص الاعداء اشمال ويمين= وينوع ألعابه على الجانبيني
ويدك مرماهم بهاتريك واثنين = ويصير حال الخصم فعلا مشيني
يترأسه زين الرجال المضامين = (خوان لابورتا) محنك .. فطيني
أما المدرب (بيب)يا مخزي العين = يشهد لك الاعداء والأقربيني

حققت بأول عام دوري وكأسين = إنجاز ما حد حققه من سنيني
بفكرك المحكم وأسلوبك الزين = وفتية(ن) في اللعب متكاتفيني
يقودهم (بويول) فارس بخيلين = قلب الأسد من يحمل الرايتيني
وبعده (تشابي) موزع رياحين = مهندس الاهداف في كل حيني
لما يكون موجود أشعر بتطمين = واتوقع الفوز الكبير الثميني
والنحلة اللي ينقصوها جناحين = (إينيستا) في كل مركز يبيني
تمتص من أزهار كل البساتين = وتوزعه كالشهد للحاضرينييق
وتلسع الحراس لسع الثعابين = وأصحاب لندن منها مكتويني
وخلفهم (تورية) حايط بدرعين = وإن لانت الصخرة فهو ما يليني
و(بيكي) الجسر المسلح بزندين = عقل المحارب في دهاء الاميني
و(آلفيس) الماطور من غير بنزين = قال للكرة لو تقدري فارقيني
و(ماركيز) ممنوع من عنده الدين = أغلق مداخلها على الزايريني
وكلما (أبيدال) مد الذراعين = بالفاتحة ..خلاني أحني جبيني

و(فالديز) استوعب الدرس تلقين= واظهر في المرمى ذكاء الرزيني

وأنقذ شباكه في فداءٍ وتأمين = وأثبت بأنه من حماة العريني
وإياك تتناسى غزال الميامين = (هنري) الذي ما يوم خيب ظنوني
وإلا الأسد (إيتو) مسجل ثلاثين = يترجم أهدافه على لهجتيني

يتحسس المرمى على بعد ميلين =ويخلي الحراس مستغربيني
والحين جانا قرن واحد وعشرين = بخير إسطورة رأت مقلتيني
(ميسي) الذي أعيا وصوفي يكفين =وبأعجز الألعاب زود حنيني

مراوغاته تدهش القلب وتبين = وإن مرر الكورة فلا تستهيني

ويخترق كالسهم في سرعة الفين = كأن الكرة وياه متلاصقيني

بيليه يشهد له وكل السلاطين = وسحره أهبل ناعسات الجفوني

ويتقن الأهداف من دون تنشين = وإلا اسألوا الحراس وتصدقوني

قولوا (لفاندرسار) وأسوار بكين = و(كاسياس) ذي كان سده متيني